Sewende vermeende sindikaat-lid aangekeer weens belastingontduiking

‘n Sewende verdagte wat glo as lid van 'n sindikaat bedrog en diefstal gepleeg het, en die belastingwet oortree het, is Vrydag deur die Valke aangekeer.
Cynthia Zanele Maluleke het glo onregmatige betalings van amper een-miljoen-Rand ontvang.
Sy is borg van drie-duisend-Rand toegestaan deur die hof vir kommersiële misdaad in Mbombela.
Volgens Valke woordvoerder, kaptein Dineo Sekgotodi, sal sy weer op 13 Julie verskyn saam met die ander ses mense wat reeds aangekeer is in die verband.