Baanbrekende HyIron-Oshivela aanleg amptelik geopen

--:--
Namibië se baanbreker HyIron-Oshivela aanleg naby Arandis is amptelik geopen deur president Netumbo Nandi-Ndaitwah. Dit is Suider-Afrika se eerste fasiliteit wat groenwaterstof gebruik om direk verminderde yster te vervaardig en die vlagskip-projek vir die land se groenenergie-ambisies. Die aanleg was vroeër vanjaar gereed vir die bekendstelling, maar dit is vertraag deur die dood van stigterspresident Sam Nujoma. Jaarlikse produksie van 15 000 ton direk verminderde yster word in die eerste projekfase beplan. Die projek sal na verwagting koolstof vrystellings met 27 000 ton per jaar verminder, wat gelykstaande is aan 50 persent van die vrystellings van Namibië se krag-bedryf. Nandi-Ndaitwah het in haar hooftoespraak verwys na haar aanvanklike verbasing toe sy deur beleggers genader is, en haar opgewondenheid nou dat die plan verwesenlik is.
11 Apr 10AM Afrikaans South Africa News

Other recent episodes

Afrika moet op blou ekonomie fokus vir ontwikkeling

Voormalige president Thabo Mbeki het Afrika-nasies versoek om die blou ekonomie voorrang te gee as 'n hoeksteen vir die ontwikkeling en herlewing van die vasteland. Mbeki het voor die 15de Jaarlikse Thabo Mbeki Afrika-dag-lesing in Dar es Salaam, Tanzanië, die transformerende potensiaal van Afrika se oseane-ekonomie beklemtoon. Hy beklemtoon die…
21 May 1AM 1 min

AR kap Windhoek Stadspolisie oor hardhandige optrede

Die AR-beweging se Khomas-leierskap het die gedrag van Windhoek Stadspolisie-beamptes teenoor straatverkopers ten sterkste veroordeel, na video's van twee beamptes wat ‘n vrou geslaan en ‘n vuurwapen in ‘n skare ongewapende mense getrek het, gesirkuleer is. Die leierskap eis ‘n deeglike ondersoek en dat die betrokke beamptes ontslaan of gestraf…
21 May 1AM 1 min

CAN bied gratis kanker-siftingstoetse aan

Die Kankervereniging van Namibië bied môre gratis papsmere, borsondersoeke en vinnige PSA-prostaatkankersifting aan by hul Hoofkantoor Mediese Sentrum in Windhoek-Wes. Dit geld net vir die eerste 100 vroue en 25 mans, op 'n eerste daar, eerste bedien-basis. Kosmos 94.1 Nuus het gepraat met Rolf Hansen, die Kankervereniging se uitvoerende hoof.
21 May 1AM 1 min

Nasionale Raad hoor van nalatigheid, geldvermorsing by Nida-projekte

Die opvolgverslag van die Nasionale Raad se staande komitee oor Openbare Rekeninge en Ekonomie oor sy besoeke aan die Karas-, Otjozondjupa-, Zambezi-, Kavango Wes- en Oshana-streke oor landbouverwerkingsprojekte is hersien. Die projekte sluit in die van die Namibiese Industriële Ontwikkelingsagentskap, Nida. Een van die bevindinge is dat die nalatigheid en…
21 May 12AM 1 min