Daar is nie 'n voldoende grondslag in onderwys nie - kenner

Die 2023 sensus se arbeidsmagopname het onthul dat sekondêre onderwys die algemeenste en hoogste opvoedingsvlak is onder Namibiërs in die werksbevolking tussen 15 en 59 jaar. Slegs 546 805 van die 1,8 miljoen mense in hierdie ouderdomsgroep is werklik in diens, of sowat 30 persent van die totale bevolking van 3 miljoen. Die werklike gemiddeld van skooljare beloop 7,3 in die land. Die verslag beklemtoon dat onderwys 'n direkte impak het op werkvooruitsigte. Kosmos 94.1 nuus het met die arbeidskenner Herbert Jauch gepraat, wat sê strukturele veranderinge in die ekonomie en onderwys is nodig.