Wêreldrenosterdag: Wettige handel in horing enigste hoop

Op Wêreldrenosterdag vier die Rhino Momma-projek 'n merkwaardige mylpaal van die groei van sy renosterbevolking van slegs een kalf in 2013 tot 175 vandag. Stigter Jaco Muller het aan Kosmos 94.1 Nuus gesê dat die projek se kernmissie steeds is om te help om Namibië en die vasteland met renosters te herbevolk. Hy het egter gewaarsku dat stropery 'n ernstige bedreiging bly en aangevoer dat die wettige verkoop van renosterhoring die mees effektiewe strategie kan wees om dit te bestry.