Gariseb en kie baklei met Stad Windhoek

Spanning styg tussen Stad Windhoek en die Khomas Inwoners- en Belastingbetalersvereniging nadat die Stad 'n openbare terugtrekking geëis het oor beweerde lasterlike opmerkings. Die dispuut volg op kritiek deur die vereniging nadat die stadsraad se eerste vergadering vir die jaar 'n straathernoeming op sy agenda geprioritiseer het, 'n stap wat dit bevraagteken het in terme van bestuur en finansiële prioriteite. Kosmos 94.1 Nuus het met die vereniging se woordvoerder, Shaun Gariseb gepraat, wat sê hul kommentaar is in die openbare belang gemaak en dat staatsamptenare oop moet wees vir ondersoek.