Lykskouingsverslag dalk vandag bekend

Die lykskouingsverslag van 'n negejarige seuntjie wie se liggaam die naweek in ‘n verlate steengroef in Barkly-Wes in die Noord-Kaap gevind is, sal na verwagting vandag beskikbaar wees.

Gift Makatees se lyk is Vrydagaand deur polisieduikers gevind nadat hy die vorige dag vermis geraak het.

Familiewoordvoerder, Malaboga Thetela, het aan OFM-nuus gesê die familie het baie vrae oor die seuntjie se dood. Sy sê verskeie versoeke van die gemeenskap om die steengroef, wat weens onlangse reënval vol water is, af te kamp of toe te maak is deur die munisipaliteit geïgnoreer.

Thetela sê Makatees was vir ‘n dag vermis voor sy liggaam gekry is.