#Covid19: Tabakverbod is irrasioneel en gaan bedryf kelder

Die Suid-Afrikaanse regering se standpunt dat mense veral in townships, wat saam aan 'n sigaret rook, kan bydra tot die verspreiding van die Covid-19-pandemie, is 'n irrasionele argument. Francois van der Merwe, 'n tabakboer en 'n adviseur in die tabakbedryf, sê dié argument het sekerlik ook daartoe bygedrae dat die verbod op tabakprodukte aanvanklik opghef sou word, maar daarna weer beperk is. Hy meen mense wat sigarette deel, deel ook ander items soos koeldrankbottels en borde kos. Daarmee saam dra peperduur onwettige sigaretpakkies nou daartoe by dat mense minder daarvan koop, maar dit steeds met mekaar deel. Van der Merwe, wat ook 'n direksielid van Limpopo Tobacco Processors in Rustenburg is, sê daarom het die regering nie 'n goeie argument nie. OFM-nuus se Christal-Lize Muller het met hom gepraat...