Plaaslike sakekamer voorspel ekonomie sal herstel – op die langtermyn

Plaaslike toeriste-operateurs is van die veerkragtigste wat sy ken.
Daarom voorspel Linda Grimbeek van die Kruger-Laeveld-sakekamer dat die plaaslike ekonomie weer sal herstel.
Dit is egter op die lange duur, en sal nie binne enkele maande gebeur nie.
Amper alle sektore mag vanaf middernag heropen, ingevolge vlak twee regulasies.
Daar is egter kommer dat die inperking reeds te veel ondernemings se doppies geklink het.
Grimbeek dink egter almal sal mettertyd weer op dreef kom, tensy hulle al voor inperking probleme gehad het.