Woord vir Vandag - 30 Nov 2024
Loading player...
“’n Mens se sondige geaardheid wil dinge doen wat teen die Gees is…” Galasiërs 5:17 NLV
Maak ‘n gesaghebbende besluit of uitspraak
As jy ernstig daaroor is om God se wil te vervul, moet jy vasberadenheid hê. Een definisie van vasberadenheid is om 'n dispuut deur ‘n gesaghebbende besluit of uitspraak te besleg. Kom ons pas dit op een van ons grootste probleme toe – die daaglikse stryd tussen ons vlees en ons gees. ‘’n Mens se sondige geaardheid wil dinge doen wat teen die Gees is, en die Gees wil dinge doen wat teen jou sondige geaardheid is…’ (vers 17 NLV). Onthou, die definisie van vasberadenheid vervat die idee om 'n dispuut te besleg. Dit is belangrik, want as jy jou gaan verbind om te doen wat God wil hê jy moet doen, sal jy die nimmereindigende geskil tussen jou vlees en jou gees moet besleg. Hoe doen mens dit? Deur ‘n gesaghebbende besluit of uitspraak te maak. Jou vlees sal altyd saam met die stroom gaan of die status quo wil behou, tensy jou wedergebore gees nee sê. Josua is ‘n goeie voorbeeld hiervan. Uit vrees dat God se volk in die leefstyl van die omliggende nasies vasgevang sou raak, het hy vir hulle gesê: ‘As julle nie die Here wil aanbid nie, moet julle vandag vir julleself besluit wie julle dan wil aanbid. Is dit die gode wat julle voorouers anderkant die Eufraat gedien het, of is dit die gode van die Amoriete in wie se land julle nou woon? Ek en my huisgesin sal die Here aanbid’ (Josua 24:15 NLV). Omdat Josua ‘n gesaghebbende besluit en ‘n uitspraak gemaak het, sê die Bybel: ‘Die volk sê toe vir Josua: ‘Ons sal net die Here ons God aanbid. Ons sal net na Hom luister’’ (vers 24 NLV). Vraag: In watter area van jou lewe moet jy vandag ‘n gesaghebbende besluit of uitspraak maak?
Maak ‘n gesaghebbende besluit of uitspraak
As jy ernstig daaroor is om God se wil te vervul, moet jy vasberadenheid hê. Een definisie van vasberadenheid is om 'n dispuut deur ‘n gesaghebbende besluit of uitspraak te besleg. Kom ons pas dit op een van ons grootste probleme toe – die daaglikse stryd tussen ons vlees en ons gees. ‘’n Mens se sondige geaardheid wil dinge doen wat teen die Gees is, en die Gees wil dinge doen wat teen jou sondige geaardheid is…’ (vers 17 NLV). Onthou, die definisie van vasberadenheid vervat die idee om 'n dispuut te besleg. Dit is belangrik, want as jy jou gaan verbind om te doen wat God wil hê jy moet doen, sal jy die nimmereindigende geskil tussen jou vlees en jou gees moet besleg. Hoe doen mens dit? Deur ‘n gesaghebbende besluit of uitspraak te maak. Jou vlees sal altyd saam met die stroom gaan of die status quo wil behou, tensy jou wedergebore gees nee sê. Josua is ‘n goeie voorbeeld hiervan. Uit vrees dat God se volk in die leefstyl van die omliggende nasies vasgevang sou raak, het hy vir hulle gesê: ‘As julle nie die Here wil aanbid nie, moet julle vandag vir julleself besluit wie julle dan wil aanbid. Is dit die gode wat julle voorouers anderkant die Eufraat gedien het, of is dit die gode van die Amoriete in wie se land julle nou woon? Ek en my huisgesin sal die Here aanbid’ (Josua 24:15 NLV). Omdat Josua ‘n gesaghebbende besluit en ‘n uitspraak gemaak het, sê die Bybel: ‘Die volk sê toe vir Josua: ‘Ons sal net die Here ons God aanbid. Ons sal net na Hom luister’’ (vers 24 NLV). Vraag: In watter area van jou lewe moet jy vandag ‘n gesaghebbende besluit of uitspraak maak?
