Woord vir Vandag - 17 Des 2024
Loading player...
“Nietemin het God doelbewus dit wat vir die wêreld na dommigheid gelyk het, uitgekies om die slim mense skaam te maak…” 1 Korintiërs 1:27 NLV
Wees gewillig om dwaas te lyk
‘n Pastoor skryf: ‘Opname na opname het bevind dat die meeste mense se grootste vrees is om ‘n toespraak in die publiek te lewer. Dood is die tweede grootste vrees. Dit beteken dat sommige mense eerder sal sterf as om in die publiek te praat. Hoekom? Dis die vrees om dwaas te lyk. Geloof is egter die gewilligheid om dwaas te lyk. Noag het dwaas gelyk toe hy ‘n ark in die woestyn gebou het. Sara het dwaas gelyk toe sy op negentig begin babaklere koop het. Die Israeliete het dwaas gelyk toe hulle met trompette om Jerigo geloop het. Dawid het dwaas gelyk toe hy Goliat met ‘n slingervel aangeval het. Die wyse manne het dwaas gelyk toe hulle agter ‘n ster aangeloop het. Jesus het dwaas gelyk toe Hy halfnaak aan die kruis gehang het. Dis egter die kern van geloof. Die resultate spreek vir hulself. Noag is uit die vloed gered. Sara het geboorte aan Isak gegee. Jerigo se mure het ineengestort. Dawid het Goliat verslaan. Die wyse manne het die Messias gevind. Jesus het uit die dood opgestaan. Die grootste deurbrake, wonderwerke en omdraaipunte in die Skrif kan na iemand wat bereid was om dwaas te lyk, nagespeur word. Lees die volgende Skrifgedeelte: ‘’My gedagtes is anders as julle s’n, en julle paaie is nie my paaie nie,’ sê die Here. ‘Want soos die hemel hoër is as die aarde, so is wat Ek doen, hoër as wat julle doen, en my gedagtes hoër as julle gedagtes’ (Jesaja 55:8-9 NLV). Hier is dus jou keuse: Lewe volgens aardse denke en wyses en word deur mense aanvaar, of lewe volgens hemelse denke en wyses en word deur God aanvaar. Wanneer jy dit uit hierdie perspektief sien, is jou keuse duidelik.
Wees gewillig om dwaas te lyk
‘n Pastoor skryf: ‘Opname na opname het bevind dat die meeste mense se grootste vrees is om ‘n toespraak in die publiek te lewer. Dood is die tweede grootste vrees. Dit beteken dat sommige mense eerder sal sterf as om in die publiek te praat. Hoekom? Dis die vrees om dwaas te lyk. Geloof is egter die gewilligheid om dwaas te lyk. Noag het dwaas gelyk toe hy ‘n ark in die woestyn gebou het. Sara het dwaas gelyk toe sy op negentig begin babaklere koop het. Die Israeliete het dwaas gelyk toe hulle met trompette om Jerigo geloop het. Dawid het dwaas gelyk toe hy Goliat met ‘n slingervel aangeval het. Die wyse manne het dwaas gelyk toe hulle agter ‘n ster aangeloop het. Jesus het dwaas gelyk toe Hy halfnaak aan die kruis gehang het. Dis egter die kern van geloof. Die resultate spreek vir hulself. Noag is uit die vloed gered. Sara het geboorte aan Isak gegee. Jerigo se mure het ineengestort. Dawid het Goliat verslaan. Die wyse manne het die Messias gevind. Jesus het uit die dood opgestaan. Die grootste deurbrake, wonderwerke en omdraaipunte in die Skrif kan na iemand wat bereid was om dwaas te lyk, nagespeur word. Lees die volgende Skrifgedeelte: ‘’My gedagtes is anders as julle s’n, en julle paaie is nie my paaie nie,’ sê die Here. ‘Want soos die hemel hoër is as die aarde, so is wat Ek doen, hoër as wat julle doen, en my gedagtes hoër as julle gedagtes’ (Jesaja 55:8-9 NLV). Hier is dus jou keuse: Lewe volgens aardse denke en wyses en word deur mense aanvaar, of lewe volgens hemelse denke en wyses en word deur God aanvaar. Wanneer jy dit uit hierdie perspektief sien, is jou keuse duidelik.
