Woord vir Vandag - 18 Des 2024
Loading player...
“Geseënd is die mens wat omgee vir die armes…” Psalm, 41:2 NLV
‘n Hart vir ander mense
Op 18 Desember, 1933 het ‘n vreemde advertensie in ‘n koerant in Canton, Ohio verskyn. ‘Man wat depressie se angel gevoel het wil 75 ongelukkige gesinne help. ‘n Anonieme Gewer slegs bekend as ‘B. Virdot,’ wil $750 weggee om die Kersgevoel te versprei.’ Al wat die leser moes doen, was om ‘n brief waarin hulle hul benarde toestand beskryf, te pos. Die briewe het ingestroom. Binne ‘n week het die tjeks by huise regoor die area begin aankom. Die meeste was beskeie, omtrent vyf dollars, en almal was deur ‘B. Virdot’ geteken. Gedurende die daaropvolgende jare wat die verhaal vertel is, het die identiteit van die filantroop onbekend gebly. Tot sy kleinseun in 2008, lank na sy dood, 'n gehawende swart tas, wat stof op sy ouers se solder versamel het, oopgemaak het. Daarin het hy die briewe gedateer Desember 1933 saam met 150 bewyse van die tjeks wat gestuur is, gevind. Dit blyk toe dat B. Virdot regtig Samuel J. Stone was en dat die skuilnaam ‘n vermenging van Barbara, Virginia en Dorothy, die name van sy dogters, was. Interessant genoeg was daar niks bevoorreg aan Sam Stone nie. Hy was vyftien toe sy gesin uit Roemenië geëmigreer en hulle in 'n krotbuurt in Pittsburgh gevestig het. Sam se pa het sy skoene weggesteek sodat hy nie skool toe kon gaan nie, wat hom en sy ses broers en susters gedwing het om sigare op die solder te rol. Uiteindelik het Sam die huis verlaat om eers op ‘n skip en later in ‘n steenkoolmyn te werk. Teen die tyd dat die Groot Depressie getref het, het hy ‘n paar klerewinkels besit en in relatiewe gemak gewoon. Hy het nietemin ’n hart vir ander gehad - en sy optrede het dit bewys. Kan dieselfde van jou gesê word?
‘n Hart vir ander mense
Op 18 Desember, 1933 het ‘n vreemde advertensie in ‘n koerant in Canton, Ohio verskyn. ‘Man wat depressie se angel gevoel het wil 75 ongelukkige gesinne help. ‘n Anonieme Gewer slegs bekend as ‘B. Virdot,’ wil $750 weggee om die Kersgevoel te versprei.’ Al wat die leser moes doen, was om ‘n brief waarin hulle hul benarde toestand beskryf, te pos. Die briewe het ingestroom. Binne ‘n week het die tjeks by huise regoor die area begin aankom. Die meeste was beskeie, omtrent vyf dollars, en almal was deur ‘B. Virdot’ geteken. Gedurende die daaropvolgende jare wat die verhaal vertel is, het die identiteit van die filantroop onbekend gebly. Tot sy kleinseun in 2008, lank na sy dood, 'n gehawende swart tas, wat stof op sy ouers se solder versamel het, oopgemaak het. Daarin het hy die briewe gedateer Desember 1933 saam met 150 bewyse van die tjeks wat gestuur is, gevind. Dit blyk toe dat B. Virdot regtig Samuel J. Stone was en dat die skuilnaam ‘n vermenging van Barbara, Virginia en Dorothy, die name van sy dogters, was. Interessant genoeg was daar niks bevoorreg aan Sam Stone nie. Hy was vyftien toe sy gesin uit Roemenië geëmigreer en hulle in 'n krotbuurt in Pittsburgh gevestig het. Sam se pa het sy skoene weggesteek sodat hy nie skool toe kon gaan nie, wat hom en sy ses broers en susters gedwing het om sigare op die solder te rol. Uiteindelik het Sam die huis verlaat om eers op ‘n skip en later in ‘n steenkoolmyn te werk. Teen die tyd dat die Groot Depressie getref het, het hy ‘n paar klerewinkels besit en in relatiewe gemak gewoon. Hy het nietemin ’n hart vir ander gehad - en sy optrede het dit bewys. Kan dieselfde van jou gesê word?
