Woord vir Vandag - 19 Des 2024
Loading player...
“…Ek lei hulle op paaie wat vir hulle onbekend is…” Jesaja 42:16 NLV
Is jy geroep om te gaan of te bly?
Soms beteken dit dat jy ‘n veilige en winsgewende loopbaan moet agterlaat wanneer jy God begin volg. Moses het ‘n paleis verlaat, Elisa het ‘n plaas verlaat en Jakobus en Johannes het hulle vissersbote agtergelaat. Soms beteken dit om God te volg egter om te bly waar jy is en elke geleentheid ten volle te gebruik om God se koninkryk te bevorder. Toe Dawid van die geveg teruggekeer het wou sommige van sy soldate nie die buit met diegene wat agtergebly het, deel nie. Dawid het egter gesê: ‘…Nee, ons deel gelykop: dié wat die pakgoed opgepas het, kry net soveel as dié wat gaan veg het’ (1 Samuel 30:24 NLV). Jy moet God vra of jy moet gaan en of jy moet bly. Dis verstommend hoe baie mense nie hou van wat hulle vir ‘n lewe doen nie. Hoekom doen hulle dit dan? Omdat ons almal moet lewe en uitgawes het om te betaal. Wat as God jou egter roep om iets anders te doen? Jy mag dalk nie suksesvol wees nie. Of besef dat jy nie soveel daarvan hou as wat jy verwag het nie. Of nie so baie geld maak nie. Die groter risiko is egter om te bly wanneer God jou roep om te gaan. Hoekom? Spyt! Die wete dat jy nooit probeer het om dit te doen waarvoor God jou geroep het nie. Jy sê: ‘Ek het baie onbeantwoorde vrae en daar is baie wat ek nie weet nie.’ Lees die volgende Skrifgedeelte: ‘…Ek lei hulle op paaie wat vir hulle onbekend is. Ek maak die donkerte voor hulle helder lig, en die ongelyk plekke maak Ek gelyk. Ek gaan dit alles doen, en hulle nie alleen los nie!’ (Jesaja 42:16 NLV).
Is jy geroep om te gaan of te bly?
Soms beteken dit dat jy ‘n veilige en winsgewende loopbaan moet agterlaat wanneer jy God begin volg. Moses het ‘n paleis verlaat, Elisa het ‘n plaas verlaat en Jakobus en Johannes het hulle vissersbote agtergelaat. Soms beteken dit om God te volg egter om te bly waar jy is en elke geleentheid ten volle te gebruik om God se koninkryk te bevorder. Toe Dawid van die geveg teruggekeer het wou sommige van sy soldate nie die buit met diegene wat agtergebly het, deel nie. Dawid het egter gesê: ‘…Nee, ons deel gelykop: dié wat die pakgoed opgepas het, kry net soveel as dié wat gaan veg het’ (1 Samuel 30:24 NLV). Jy moet God vra of jy moet gaan en of jy moet bly. Dis verstommend hoe baie mense nie hou van wat hulle vir ‘n lewe doen nie. Hoekom doen hulle dit dan? Omdat ons almal moet lewe en uitgawes het om te betaal. Wat as God jou egter roep om iets anders te doen? Jy mag dalk nie suksesvol wees nie. Of besef dat jy nie soveel daarvan hou as wat jy verwag het nie. Of nie so baie geld maak nie. Die groter risiko is egter om te bly wanneer God jou roep om te gaan. Hoekom? Spyt! Die wete dat jy nooit probeer het om dit te doen waarvoor God jou geroep het nie. Jy sê: ‘Ek het baie onbeantwoorde vrae en daar is baie wat ek nie weet nie.’ Lees die volgende Skrifgedeelte: ‘…Ek lei hulle op paaie wat vir hulle onbekend is. Ek maak die donkerte voor hulle helder lig, en die ongelyk plekke maak Ek gelyk. Ek gaan dit alles doen, en hulle nie alleen los nie!’ (Jesaja 42:16 NLV).
