Woord vir Vandag - 20 Des 2024
Loading player...
“Dis my begeerte om u wil te doen, my God…” Psalm 40:9 NLV
Doen God se wil
Om God se wil te doen kan moeilik wees, maar dit bring altyd vervulling en beloning mee. Dawid se familie het ‘n teensin in hom gehad, sy baas het hom verraai en van sy vriende het hom verwerp. Tog kon hy sê: ‘Dis my begeerte om u wil te doen, my God…’ Om jou Godgegewe lewensdoel te bereik, moet jy passievol wees. Passie gee jou elke keer ‘n voordeel. Een persoon met passie is meer effektief as nege-en-negentig ander wat net ‘n belang het. Passie gee jou energie en laat jou aanhou wanneer ander mense tou opgooi. Nie net sal God vir jou ‘n passie vir sy wil gee nie, maar jy sal ook vermoëns wat jy nie geweet het jy het nie, ontdek. Sommige van ons het inherente vermoëns en ons weet wie ons is en wat om te doen. Ander moet weer hard werk om hierdie ontdekkings te maak. Jou doel moet wees om so min as moontlik van jou lewe te mors. Daar is 'n groot verskil tussen ‘n Godgegewe droom wat jou dryf om te presteer en om ‘n idee wat geen verband met wie jy is en wat jy geroep is om te doen, sommer net uit die lug te gryp. Net soos ‘n soldaat op die voorste linies in konstante kommunikasie met die hoofkwartiere moet bly, so moet jy elke dag bid en God se Woord ondersoek. Wanneer jy weet dat jy doen wat God jou geroep het om te doen, sal jy vreugde te midde van smart, vrede te midde van konflik en selfvertroue wanneer alles rondom jou uitmekaar uit val, ervaar. Niks, absoluut niks, is belangriker as die wete dat jy God se wil doen nie.
Doen God se wil
Om God se wil te doen kan moeilik wees, maar dit bring altyd vervulling en beloning mee. Dawid se familie het ‘n teensin in hom gehad, sy baas het hom verraai en van sy vriende het hom verwerp. Tog kon hy sê: ‘Dis my begeerte om u wil te doen, my God…’ Om jou Godgegewe lewensdoel te bereik, moet jy passievol wees. Passie gee jou elke keer ‘n voordeel. Een persoon met passie is meer effektief as nege-en-negentig ander wat net ‘n belang het. Passie gee jou energie en laat jou aanhou wanneer ander mense tou opgooi. Nie net sal God vir jou ‘n passie vir sy wil gee nie, maar jy sal ook vermoëns wat jy nie geweet het jy het nie, ontdek. Sommige van ons het inherente vermoëns en ons weet wie ons is en wat om te doen. Ander moet weer hard werk om hierdie ontdekkings te maak. Jou doel moet wees om so min as moontlik van jou lewe te mors. Daar is 'n groot verskil tussen ‘n Godgegewe droom wat jou dryf om te presteer en om ‘n idee wat geen verband met wie jy is en wat jy geroep is om te doen, sommer net uit die lug te gryp. Net soos ‘n soldaat op die voorste linies in konstante kommunikasie met die hoofkwartiere moet bly, so moet jy elke dag bid en God se Woord ondersoek. Wanneer jy weet dat jy doen wat God jou geroep het om te doen, sal jy vreugde te midde van smart, vrede te midde van konflik en selfvertroue wanneer alles rondom jou uitmekaar uit val, ervaar. Niks, absoluut niks, is belangriker as die wete dat jy God se wil doen nie.
