Woord vir Vandag - 28 Des 2024
Loading player...
“By U kruip ek weg, want U is baie sterk, U pas my goed op. Ek wag op u Woord om my sterk te maak.” Psalm 119:114 DB
Jou stiltetyd (1)
Wat weerhou jou daarvan om gereelde stiltetyd met God te hou? Miskien voel die gedagte daaraan as nog ‘n ‘moet’ op die oneindige kontrolelys van jou lewe. Dus dink jy: ‘Miskien later, wanneer die lewe nie so besig is nie.’ Ons moet die mites en onpraktiese verwagtinge wat die vyand gebruik om te verhoed dat ons die vreugde ervaar om Jesus te ken en deur Hom geken te word, laat gaan. Dawid het geskryf: ‘Een ding vra ek van die Here, en dit sal ek bly soek: om in die huis van die Here te bly al die dae van my lewe, om my te verbly in sy goedheid, en in sy tempel daaroor na te dink. Want as gevaar dreig, sal Hy my wegsteek. Hy sal my in sy woning verberg. Hy sal my op ‘n hoë rots laat staan. Dan sal ek my kop hoog oplig bokant my vyande wat my omring… U het vir my hart gesê: ‘Kom en dien My.’ Ek antwoord: ‘Here, ek kom U dien’’ (Psalm 27:4-6, 8 NLV). Toe Dawid hierdie woorde geskryf het, was daar nie ‘n tempel of ‘n ‘huis van die Here,’ nie. Wat het hy dus bedoel? Dat God so naby aan jou as ‘n gebed is; dat jy enige tyd en enige plek die Here kan soek, jou in Hom kan verbly, oor Hom kan nadink en met Hom kan praat. Wanneer jy stiltetyd hou, beteken dit dat jy jou van mense, druk en probleme kan onttrek en nuwe krag by die Here kan kry deur met Hom in jou hart en gedagtes te kommunikeer. Dit kan enige plek en enige tyd gebeur.
Jou stiltetyd (1)
Wat weerhou jou daarvan om gereelde stiltetyd met God te hou? Miskien voel die gedagte daaraan as nog ‘n ‘moet’ op die oneindige kontrolelys van jou lewe. Dus dink jy: ‘Miskien later, wanneer die lewe nie so besig is nie.’ Ons moet die mites en onpraktiese verwagtinge wat die vyand gebruik om te verhoed dat ons die vreugde ervaar om Jesus te ken en deur Hom geken te word, laat gaan. Dawid het geskryf: ‘Een ding vra ek van die Here, en dit sal ek bly soek: om in die huis van die Here te bly al die dae van my lewe, om my te verbly in sy goedheid, en in sy tempel daaroor na te dink. Want as gevaar dreig, sal Hy my wegsteek. Hy sal my in sy woning verberg. Hy sal my op ‘n hoë rots laat staan. Dan sal ek my kop hoog oplig bokant my vyande wat my omring… U het vir my hart gesê: ‘Kom en dien My.’ Ek antwoord: ‘Here, ek kom U dien’’ (Psalm 27:4-6, 8 NLV). Toe Dawid hierdie woorde geskryf het, was daar nie ‘n tempel of ‘n ‘huis van die Here,’ nie. Wat het hy dus bedoel? Dat God so naby aan jou as ‘n gebed is; dat jy enige tyd en enige plek die Here kan soek, jou in Hom kan verbly, oor Hom kan nadink en met Hom kan praat. Wanneer jy stiltetyd hou, beteken dit dat jy jou van mense, druk en probleme kan onttrek en nuwe krag by die Here kan kry deur met Hom in jou hart en gedagtes te kommunikeer. Dit kan enige plek en enige tyd gebeur.
