Woord vir Vandag - 29 Des 2024
Loading player...
“Hierdie Hoëpriester van ons kan ten volle met ons in ons swakhede saamvoel…” Hebreërs 4:15 NLV
Jou stiltetyd (2)
Een van Satan se suksesvolste strategieë om ons van ons stiltetyd met God te weerhou, is om ons aan ons sondes en tekortkominge te herinner. Dis ‘n leuen; moet dit nie glo nie. In die Ou Testament het die hoëpriester na die Allerheiligste gegaan om vir die mense se sondes versoening te doen. Wanneer hy daar uitgekom het, het die mense gejuig, omdat hulle geweet het dat God hulle ten volle aanvaar. Met dit in gedagte, lees die volgende Skrifgedeelte: ‘[Jesus] kan ten volle met ons in ons swakhede saamvoel, wat Hy moes presies dieselfde versoekings as ons trotseer – behalwe dat Hy nie voor die sonde geswig het nie. Kom ons gaan dan met volle vrymoedigheid na die troon van ons genadige God. Hy sal aan ons sy deernis en onverdiende goedheid bewys sodat ons op die regte tyd gehelp sal word’ (verse 15-16 NLV). Nog ‘n leuen wat Satan jou sal vertel om jou van stiltetyd weg te hou, is dat die heiliges in die geskiedenis elke dag ure bestee het om die Skrif te bestudeer en te bid. Dis waar, en eendag mag jy dalk soos hulle word. Wat moet jy dan intussen doen? Begin klein, maar begin net! Pastoor Greg Laurie sien geestelike honger as die teenoorgestelde van fisiese honger: ‘Wanneer jy fisies honger is, eet jy en jy is tevrede. Wanneer jy egter geestelik honger is, is dit eers wanneer jy begin eet wat jy ontdek hoe honger jy eintlik is!’ Wanneer jy dus nie jou stiltetyd met God hou nie, moet jy nie skuldig voel nie, jy moet honger voel. Wanneer jy: ‘Smaak en sien dat die Here goed is’ (Psalm 34:9 AFR53), sal jy meer en meer tyd met Jesus wil bestee – wat wonderlik is, want Hy verlang na tyd saam met jou.
Jou stiltetyd (2)
Een van Satan se suksesvolste strategieë om ons van ons stiltetyd met God te weerhou, is om ons aan ons sondes en tekortkominge te herinner. Dis ‘n leuen; moet dit nie glo nie. In die Ou Testament het die hoëpriester na die Allerheiligste gegaan om vir die mense se sondes versoening te doen. Wanneer hy daar uitgekom het, het die mense gejuig, omdat hulle geweet het dat God hulle ten volle aanvaar. Met dit in gedagte, lees die volgende Skrifgedeelte: ‘[Jesus] kan ten volle met ons in ons swakhede saamvoel, wat Hy moes presies dieselfde versoekings as ons trotseer – behalwe dat Hy nie voor die sonde geswig het nie. Kom ons gaan dan met volle vrymoedigheid na die troon van ons genadige God. Hy sal aan ons sy deernis en onverdiende goedheid bewys sodat ons op die regte tyd gehelp sal word’ (verse 15-16 NLV). Nog ‘n leuen wat Satan jou sal vertel om jou van stiltetyd weg te hou, is dat die heiliges in die geskiedenis elke dag ure bestee het om die Skrif te bestudeer en te bid. Dis waar, en eendag mag jy dalk soos hulle word. Wat moet jy dan intussen doen? Begin klein, maar begin net! Pastoor Greg Laurie sien geestelike honger as die teenoorgestelde van fisiese honger: ‘Wanneer jy fisies honger is, eet jy en jy is tevrede. Wanneer jy egter geestelik honger is, is dit eers wanneer jy begin eet wat jy ontdek hoe honger jy eintlik is!’ Wanneer jy dus nie jou stiltetyd met God hou nie, moet jy nie skuldig voel nie, jy moet honger voel. Wanneer jy: ‘Smaak en sien dat die Here goed is’ (Psalm 34:9 AFR53), sal jy meer en meer tyd met Jesus wil bestee – wat wonderlik is, want Hy verlang na tyd saam met jou.
