Woord vir Vandag - 10 Jan 2025
Loading player...
“Nooi liewer die armes, kreupeles, verlamdes en blindes.” Lukas 14:13 NLV
Bewys medelye teenoor almal (1)
Lukas skryf: ‘Een Sabbatdag was Jesus in die huis van ‘n leier van die Fariseërs. Die mense het Hom stip dopgehou’ (vers 1 NLV). Daardie dag het Hy een van hul mees gewaardeerde godsdienstige tradisies op sy kop gedraai deur te sê: ‘…Wanneer jy ‘n middag- of aandete gee… Nooi liewer die armes, kreupeles, verlamdes en blindes. Jy sal geseënd wees, want by die opstanding van die godvresendes sal God jou beloon omdat jy hulle wat jou nie kon beloon nie, genooi het’ (verse 12-14 NLV). Enige iets wat gebrekkig was, is deur die Fariseërs as ongeskik beskou om die volmaakte heiligheid van God te weerspieël. Gevolglik het hulle niks wat misvormd was binne die grense van die tempel toegelaat nie. Verder, aangesien hulle geglo het dat die tempel deur Rome verneder is, het hulle geglo dat hulle God kon eer deur hul huise as klein tempels te behandel. Vir Jesus om vir hierdie bekende Fariseër te sê om doelbewus misvormde, gebrekkige mense in sy heilige klein tempel in te nooi, was ’n doelbewuste klap in die gesig. Jesus se medelye het uit sy liefde vir alle individue en sy pyn wanneer enige iemand misken word, gespruit. Ons word nooit in die Skrif vertel dat Jesus medelye met iemand gehad het omdat hulle dit verdien het nie, maar omdat hulle in nood verkeer het. Moet nie die punt wat Jesus gemaak het, miskyk nie. Hy het belowe dat jy in hierdie lewe geseën sal word en in die volgende lewe beloon sal word, wanneer jy vriendelikheid en medelye betoon aan dié wat jou nie kan terugbetaal nie. Onthou dit wanneer jy in die versoeking kom om iemand oor die hoof te sien omdat hulle 'n spesifieke probleem het waarvan jy nie hou nie.
Bewys medelye teenoor almal (1)
Lukas skryf: ‘Een Sabbatdag was Jesus in die huis van ‘n leier van die Fariseërs. Die mense het Hom stip dopgehou’ (vers 1 NLV). Daardie dag het Hy een van hul mees gewaardeerde godsdienstige tradisies op sy kop gedraai deur te sê: ‘…Wanneer jy ‘n middag- of aandete gee… Nooi liewer die armes, kreupeles, verlamdes en blindes. Jy sal geseënd wees, want by die opstanding van die godvresendes sal God jou beloon omdat jy hulle wat jou nie kon beloon nie, genooi het’ (verse 12-14 NLV). Enige iets wat gebrekkig was, is deur die Fariseërs as ongeskik beskou om die volmaakte heiligheid van God te weerspieël. Gevolglik het hulle niks wat misvormd was binne die grense van die tempel toegelaat nie. Verder, aangesien hulle geglo het dat die tempel deur Rome verneder is, het hulle geglo dat hulle God kon eer deur hul huise as klein tempels te behandel. Vir Jesus om vir hierdie bekende Fariseër te sê om doelbewus misvormde, gebrekkige mense in sy heilige klein tempel in te nooi, was ’n doelbewuste klap in die gesig. Jesus se medelye het uit sy liefde vir alle individue en sy pyn wanneer enige iemand misken word, gespruit. Ons word nooit in die Skrif vertel dat Jesus medelye met iemand gehad het omdat hulle dit verdien het nie, maar omdat hulle in nood verkeer het. Moet nie die punt wat Jesus gemaak het, miskyk nie. Hy het belowe dat jy in hierdie lewe geseën sal word en in die volgende lewe beloon sal word, wanneer jy vriendelikheid en medelye betoon aan dié wat jou nie kan terugbetaal nie. Onthou dit wanneer jy in die versoeking kom om iemand oor die hoof te sien omdat hulle 'n spesifieke probleem het waarvan jy nie hou nie.
