Woord vir Vandag - 24 Jan 2025

“Daar is ‘n vaste tyd vir alles, elke ding onder die son het sy tyd” Prediker 3:1 NLV
Moenie tou opgooi nie!
Salomo sê: ‘Daar is… ‘n Tyd om gebore te word en ‘n tyd om te sterf. ‘n Tyd om te plant en ‘n tyd om uit te ruk wat geplant is. ‘n Tyd om dood te maak en ‘n tyd om gesond te maak. ‘n Tyd om af te breek en ‘n tyd om op te bou. ‘n Tyd om te huil en ‘n tyd om te lag. ‘n Tyd om hartseer te wees en ‘n tyd om van vreugde te dans. ‘n Tyd om jou saad te saai en ‘n tyd om jou saad terug te hou. ‘n Tyd om te omhels en ‘n tyd om weg te bly. ‘n Tyd om te soek en ‘n tyd om te verloor. ‘n Tyd om op te pas en ‘n tyd om weg te gooi. ‘n Tyd om te skeur en ‘n tyd om vas te werk. ‘n Tyd om stil te bly en ‘n tyd om te praat. ‘n Tyd om lief te hê en ‘n tyd om te haat. ‘n Tyd vir oorlog en ‘n tyd vir vrede’ (verse 2-8 NLV). Dis ‘n totaal van agt-en-twintig verskillende ‘tye.’ Let egter op wat Salomo nie vir ons gee nie – ‘n tyd om tou op te gooi! Solank as wat jy op die slagveld bly, kan God jou situasie verander en jou die oorwinning gee. Indien jy vandag oor jou huwelik, jou kinders, jou gesondheid, jou finansies, jou werk en jou toekoms bekommerd is, is hier ‘n belofte waarop jy kan staan: ‘’Maar geen wapen wat teen jou gemik word, sal iets teen jou kan uitrig nie. Elke aanklag teen jou, sal jy weerlê. Dit is die erflating van die dienaars van die Here. Aan hulle laat Ek reg geskied,’ verklaar die Here’ (Jesaja 54:17 NLV). Moet dus nie tou opgooi nie!