Woord vir Vandag - 2 Mei 2025
Loading player...
“…hulle [het] my verdruk, maar hulle kon nie die oorhand oor my kry nie.” Psalm 129:2 NLV
Moenie breek nie, bons terug (1)
Wanneer veerkragtige mense die bodem tref, breek hulle nie, hulle bons terug. Die apostel Paulus was so ‘n persoon: ‘Op elke manier word ons onder druk geplaas, maar ons is nie verpletter nie; ons is verward, maar nie wanhopig nie; ons word vervolg, maar nie in die steek gelaat nie; platgeslaan, maar nie vernietig nie’ (2 Korintiërs 4:8-9 NLV). Hoe kan mens dus terugbons sonder om te breek? Deur twee dinge te doen: 1) Wanneer jy nie jou omstandighede kan beheer nie, neem beheer van jou lewe. Toe ‘n rugbesering vir Angela Madsen van die middel af ondertoe verlam het, het sy belowe om alles wat nodig is om weer voluit te lewe, te doen. Gevolglik het sy begin oefen om die eerste vrou met ‘n gestremdheid te wees wat oor die Atlantiese Oseaan geroei het. Die joernalis Denise Foley skryf: ‘Madsen is wat navorsers ‘veerkragtig’ noem – in staat om terug te bons van enige moeilikheid wat die lewe meebring.’ Sy is een van daardie mense wat ons laat wonder hoe ons sou vaar as ons eie veerkragtigheid getoets sou word. Sou ons terugbons? 2) In plaas daarvan om oor die verkeerde mense in jou lewe te kla, begin vir die regte mense uitkyk. Ned Hallowell het met ‘n bipolêre pa, ‘n stiefpa wat hom mishandel het, ‘n alkoholverslaafde ma en met twee leergestremdhede grootgeword – ‘n geskiedenis wat dikwels ‘n voorloper vir die tronk of ‘n psigiatriese instelling is. Hy het egter voortgegaan om ‘n prominente psigiater, ‘n gelukkig getroude pa en ‘n suksesvolle skrywer te word. Dit het grootliks gebeur omdat hy hom by sy kosskool aan onderwysers wat vir hom omgegee het en hom onder hul vlerk geneem het, geskaar het. Dus, wanneer tye moeilik is, steun op God, neem beheer oor jou lewe en soek die regte mense.
Moenie breek nie, bons terug (1)
Wanneer veerkragtige mense die bodem tref, breek hulle nie, hulle bons terug. Die apostel Paulus was so ‘n persoon: ‘Op elke manier word ons onder druk geplaas, maar ons is nie verpletter nie; ons is verward, maar nie wanhopig nie; ons word vervolg, maar nie in die steek gelaat nie; platgeslaan, maar nie vernietig nie’ (2 Korintiërs 4:8-9 NLV). Hoe kan mens dus terugbons sonder om te breek? Deur twee dinge te doen: 1) Wanneer jy nie jou omstandighede kan beheer nie, neem beheer van jou lewe. Toe ‘n rugbesering vir Angela Madsen van die middel af ondertoe verlam het, het sy belowe om alles wat nodig is om weer voluit te lewe, te doen. Gevolglik het sy begin oefen om die eerste vrou met ‘n gestremdheid te wees wat oor die Atlantiese Oseaan geroei het. Die joernalis Denise Foley skryf: ‘Madsen is wat navorsers ‘veerkragtig’ noem – in staat om terug te bons van enige moeilikheid wat die lewe meebring.’ Sy is een van daardie mense wat ons laat wonder hoe ons sou vaar as ons eie veerkragtigheid getoets sou word. Sou ons terugbons? 2) In plaas daarvan om oor die verkeerde mense in jou lewe te kla, begin vir die regte mense uitkyk. Ned Hallowell het met ‘n bipolêre pa, ‘n stiefpa wat hom mishandel het, ‘n alkoholverslaafde ma en met twee leergestremdhede grootgeword – ‘n geskiedenis wat dikwels ‘n voorloper vir die tronk of ‘n psigiatriese instelling is. Hy het egter voortgegaan om ‘n prominente psigiater, ‘n gelukkig getroude pa en ‘n suksesvolle skrywer te word. Dit het grootliks gebeur omdat hy hom by sy kosskool aan onderwysers wat vir hom omgegee het en hom onder hul vlerk geneem het, geskaar het. Dus, wanneer tye moeilik is, steun op God, neem beheer oor jou lewe en soek die regte mense.
