Woord vir Vandag - 9 Mei 2025
--:--
“God het die mense geskep na sy beeld… God het hulle geseën deur te sê: ‘Wees vrugbaar…’” Genesis 1:27-28 NLV
Dra geestelike vrugte
Een pastoor skryf: ‘Toe God die mens geskep het, het Hy hulle na sy beeld gemaak. Dit was God se oorspronklike plan en dit het nie verander nie. Hy wil ons soos Homself – goddelik – maak. Hy doen dit deur aan ons karakter deur sy Woord, sy Heilige Gees en deur omstandighede, te werk. Die Griekse woord vir ‘karakter’ beteken: ‘getoets en betroubaar gevind.’ Dit laat mens dink aan die werk van ‘n ystersmid, wat metaal deur vuur laat gaan en dan in iets vorm wat die toets van tyd deurstaan.’ Een van die eerste dinge wat God vir die mens gesê het was: ‘Wees vrugbaar.’ Jesus verduidelik vir ons hoe om dit te doen: ‘…Wie aan My verbonde bly en Ek aan hulle, dra baie vrugte…’ (Johannes 15:5 NLV). Vrugte neem egter tyd om ryp te word. Wanneer jy die proses probeer aanjaag, proe dit nie so lekker nie. Het jy al ooit tamaties wat met gas behandel is, geproe? Jy koop dit by die kruidenierswinkel. Indien boere ryp tamaties pluk en dit verskeep, sou die tamaties stukkend by die mark uitkom. Dus pluk hulle die groen tamaties en spuit hulle met etileengas voor hulle mark toe gaan. Die etileengas maak dan die groen tamaties vinnig ryp en rooi. Daar is niks fout met daardie tamaties nie, maar as jy al ooit ‘n plaas-ryp tamatie geproe het, weet jy dat daar geen vergelyking is nie. Soortgelyk neem dit tyd vir geestelike vrugte om in jou lewe te groei. Jy kan nie ‘n blitskursus volg en met geestelike volwassenheid wegstap nie. Dit verg ‘n leeftyd van wandeling met God, vertroue in Hom, om by Hom te leer en Hom met jou hele hart lief te hê. God wil die vrug van die Gees in jou lewe voortbring, werk dus saam met Hom.
Dra geestelike vrugte
Een pastoor skryf: ‘Toe God die mens geskep het, het Hy hulle na sy beeld gemaak. Dit was God se oorspronklike plan en dit het nie verander nie. Hy wil ons soos Homself – goddelik – maak. Hy doen dit deur aan ons karakter deur sy Woord, sy Heilige Gees en deur omstandighede, te werk. Die Griekse woord vir ‘karakter’ beteken: ‘getoets en betroubaar gevind.’ Dit laat mens dink aan die werk van ‘n ystersmid, wat metaal deur vuur laat gaan en dan in iets vorm wat die toets van tyd deurstaan.’ Een van die eerste dinge wat God vir die mens gesê het was: ‘Wees vrugbaar.’ Jesus verduidelik vir ons hoe om dit te doen: ‘…Wie aan My verbonde bly en Ek aan hulle, dra baie vrugte…’ (Johannes 15:5 NLV). Vrugte neem egter tyd om ryp te word. Wanneer jy die proses probeer aanjaag, proe dit nie so lekker nie. Het jy al ooit tamaties wat met gas behandel is, geproe? Jy koop dit by die kruidenierswinkel. Indien boere ryp tamaties pluk en dit verskeep, sou die tamaties stukkend by die mark uitkom. Dus pluk hulle die groen tamaties en spuit hulle met etileengas voor hulle mark toe gaan. Die etileengas maak dan die groen tamaties vinnig ryp en rooi. Daar is niks fout met daardie tamaties nie, maar as jy al ooit ‘n plaas-ryp tamatie geproe het, weet jy dat daar geen vergelyking is nie. Soortgelyk neem dit tyd vir geestelike vrugte om in jou lewe te groei. Jy kan nie ‘n blitskursus volg en met geestelike volwassenheid wegstap nie. Dit verg ‘n leeftyd van wandeling met God, vertroue in Hom, om by Hom te leer en Hom met jou hele hart lief te hê. God wil die vrug van die Gees in jou lewe voortbring, werk dus saam met Hom.
