Woord vir Vandag - 13 Junie 2025
Loading player...
“Deursoek my, o God, en ken my hart…” Psalm 139:23 NLV
Wees gewillig om te verander (3)
Verandering moet eers binne-in jou plaasvindr, voor dit rondom jou kan plaasvind. In ‘n ou Peanuts strokiesprent, sê Lucy vir Charlie Brown dat sy graag die wêreld sal wil verander. Charlie vra haar: ‘Waar sal jy begin?’ Lucy antwoord op haar tipiese manier: ‘Ek sal by jou begin.’ Dink daaroor: Wanneer ons huweliksprobleme het, bid ons soms: ‘Here, help my eggenoot om te verander!’ Miskien sal dinge egter verbeter wanneer jy gewillig is om te bid: ‘Here, help my om te verander!’ Die Bybel sê: ‘…Wees almal eensgesind, simpatiek, lief vir mekaar, goedhartig en nederig. Moenie kwaad met kwaad vergeld nie… Inteendeel, jou antwoord moet ‘n seënwens wees. Dít is waartoe God julle geroep het en waarvoor Hy julle sal seën’ (1 Petrus 3:8-9 NLV). Wanneer ons nie van iets hou nie, wil ons hê dat almal – behalwe ons – moet verander! Die waarheid is dat ons weerstandig teen verandering is. Die skrywer Frances Hodgson Burnett stel dit as volg in haar boek, The Secret Garden: ‘Mense weier eers om te glo dat ‘n vreemde nuwe ding gedoen kan word, dan begin hulle hoop dat dit gedoen kan word, dan sien hulle dit kan gedoen word. Dan is dit gedoen en die hele wêreld wonder hoekom dit nie eeue gelede gedoen is nie.’ Om jou wêreld te verander, moet jy eers jouself verander. Die Psalmdigter het gebid: ‘Deursoek my, o God, en ken my hart; toets my onrustige gemoed. Kyk of daar enige gebrek by my is, en lei my op die ewige pad’ (Psalm 139:23-24 NLV). Soos jy ten goede begin verander, sal ander mense dit opmerk en dienooreenkomstig begin reageer. Maak die volgende dus vandag jou gebed: ‘Here, laat die verandering wat ek begeer in my begin!’
Wees gewillig om te verander (3)
Verandering moet eers binne-in jou plaasvindr, voor dit rondom jou kan plaasvind. In ‘n ou Peanuts strokiesprent, sê Lucy vir Charlie Brown dat sy graag die wêreld sal wil verander. Charlie vra haar: ‘Waar sal jy begin?’ Lucy antwoord op haar tipiese manier: ‘Ek sal by jou begin.’ Dink daaroor: Wanneer ons huweliksprobleme het, bid ons soms: ‘Here, help my eggenoot om te verander!’ Miskien sal dinge egter verbeter wanneer jy gewillig is om te bid: ‘Here, help my om te verander!’ Die Bybel sê: ‘…Wees almal eensgesind, simpatiek, lief vir mekaar, goedhartig en nederig. Moenie kwaad met kwaad vergeld nie… Inteendeel, jou antwoord moet ‘n seënwens wees. Dít is waartoe God julle geroep het en waarvoor Hy julle sal seën’ (1 Petrus 3:8-9 NLV). Wanneer ons nie van iets hou nie, wil ons hê dat almal – behalwe ons – moet verander! Die waarheid is dat ons weerstandig teen verandering is. Die skrywer Frances Hodgson Burnett stel dit as volg in haar boek, The Secret Garden: ‘Mense weier eers om te glo dat ‘n vreemde nuwe ding gedoen kan word, dan begin hulle hoop dat dit gedoen kan word, dan sien hulle dit kan gedoen word. Dan is dit gedoen en die hele wêreld wonder hoekom dit nie eeue gelede gedoen is nie.’ Om jou wêreld te verander, moet jy eers jouself verander. Die Psalmdigter het gebid: ‘Deursoek my, o God, en ken my hart; toets my onrustige gemoed. Kyk of daar enige gebrek by my is, en lei my op die ewige pad’ (Psalm 139:23-24 NLV). Soos jy ten goede begin verander, sal ander mense dit opmerk en dienooreenkomstig begin reageer. Maak die volgende dus vandag jou gebed: ‘Here, laat die verandering wat ek begeer in my begin!’
