Woord vir Vandag - 17 Junie 2025
Loading player...
“Gebruik… as swaard, die Gees, dit is God se woord.” Efesiërs 6:17 NLV
Pastoor, hou jou swaard skerp
Paulus het sy geestelike seun en opvolger, Timoteus, gewaarsku: ‘Jy moet ook dít weet, Timoteus, dat daar gedurende die laaste dae moeilike tye sal kom. Want mense sal net hulleself en hulle geld liefhê. Hulle sal grootpraterig en arrogant wees, met God spot, ongehoorsaam wees aan hulle ouers en ondankbaar. Hulle sal niks as heilig beskou nie. Hulle sal liefdeloos en en onvergewensgesind wees; hulle sal ander mense belaster en geen selfbeheersing hê nie; hulle sal wreed wees en geen belangstelling hê in wat goed is nie. Hulle sal vriende verraai, roekeloos wees, hooghartig, en hulle sal plesier liewer hê as vir God. Hulle sal optree asof hulle godsdienstig is, maar dit wat aan die Christelike godsdiens sy innerlike krag gee, ignoreer. Jy moet wegbly van sulke mense af’ (2 Timoteus 3:1-5 NLV). Soos jy hierdie lys lees, besef jy dat Paulus netsowel die samelewing waarin ons vandag leef, kon beskryf. Wat is dan die antwoord? Mans en vrouens van God wat weet hoe om die swaard van sy Woord vaardig te gebruik. As jy een van hulle is, kan jy vir seker weet dat Satan jou geteiken het. Hy wil die skerp kant van jou swaard afstomp, sodat jou boodskap oneffektief is. Dis ‘n ou truuk wat die Filistyne, Israel se aartsvyande, gebruik het om hulle in ballingskap te hou. Hulle het van al die smede in die land ontslae geraak (sien 1 Samuel 13:19). Gevolglik het die Israeliete geen manier gehad om hul swaarde te slyp, hulself te verdedig en die juk van onderdrukking af te gooi nie. Pastoor, as geestelike smid, is dit jou roeping om hulle op te skerp. Leef dus op jou knieë en leef in God se Woord. Die uur is laat en die nood is groot. Pastoor, God vertrou op jou om jou swaard skerp te hou.
Pastoor, hou jou swaard skerp
Paulus het sy geestelike seun en opvolger, Timoteus, gewaarsku: ‘Jy moet ook dít weet, Timoteus, dat daar gedurende die laaste dae moeilike tye sal kom. Want mense sal net hulleself en hulle geld liefhê. Hulle sal grootpraterig en arrogant wees, met God spot, ongehoorsaam wees aan hulle ouers en ondankbaar. Hulle sal niks as heilig beskou nie. Hulle sal liefdeloos en en onvergewensgesind wees; hulle sal ander mense belaster en geen selfbeheersing hê nie; hulle sal wreed wees en geen belangstelling hê in wat goed is nie. Hulle sal vriende verraai, roekeloos wees, hooghartig, en hulle sal plesier liewer hê as vir God. Hulle sal optree asof hulle godsdienstig is, maar dit wat aan die Christelike godsdiens sy innerlike krag gee, ignoreer. Jy moet wegbly van sulke mense af’ (2 Timoteus 3:1-5 NLV). Soos jy hierdie lys lees, besef jy dat Paulus netsowel die samelewing waarin ons vandag leef, kon beskryf. Wat is dan die antwoord? Mans en vrouens van God wat weet hoe om die swaard van sy Woord vaardig te gebruik. As jy een van hulle is, kan jy vir seker weet dat Satan jou geteiken het. Hy wil die skerp kant van jou swaard afstomp, sodat jou boodskap oneffektief is. Dis ‘n ou truuk wat die Filistyne, Israel se aartsvyande, gebruik het om hulle in ballingskap te hou. Hulle het van al die smede in die land ontslae geraak (sien 1 Samuel 13:19). Gevolglik het die Israeliete geen manier gehad om hul swaarde te slyp, hulself te verdedig en die juk van onderdrukking af te gooi nie. Pastoor, as geestelike smid, is dit jou roeping om hulle op te skerp. Leef dus op jou knieë en leef in God se Woord. Die uur is laat en die nood is groot. Pastoor, God vertrou op jou om jou swaard skerp te hou.
