Woord vir Vandag - 22 Junie 2025
Loading player...
“Hoe dankbaar is ek teenoor Christus Jesus ons Here, wat my betroubaar geag en my aangestel het om Hom te dien.” 1 Timoteus 1:12 NLV
Moenie uitbrand nie (1)
Het jy geweet dat mense in beroepe wat ander mense help ‘n hoër koers van dwelmmisbruik, alkoholisme en selfdood as ander beroepe ervaar? ‘n Groot bydraende faktor daartoe is die feit dat hulle net die probleme en negatiewe kant van mense se lewens hoor en sien. Om dus effektief te bly, moet jy leer om die volgende te doen: (1) Kweek nuwe dissiplines. Maak die deur toe, laat jou telefoonoproepe na stempos gaan en ontspan. Moet bowenal nie verbaas wees wanneer probleme opduik nie. Jesus het gesê ons sal swaarkry beleef (sien Johannes 16:33). Die skrywer M. Scott Peck sê wanneer jy verwag dat die lewe moeilik gaan wees, blyk dit gewoonlik minder moeilik te wees. (2) Neem gereeld tyd af. Doen iets anders op jou afdae. Jou Skepper het nooit bedoel dat jy meer ure moet insit as wat Hy het nie! Spurgeon het gesê: ‘Rus is so nodig vir die gees soos slaap vir die liggaam. As ons nie rus nie, breek ons af.’ Jesus het gesê: ‘…Kom julle nou self eenkant toe na ‘n stil plek en skep ‘n bietjie asem’ (Markus 6:31 NLV). 3) Oefen en kry genoeg slaap. Stap, swem en haal diep asem. Dis goed vir jou! Dr Arch Hart sê: ‘Adrenale opwekking verminder ons behoefte aan slaap, maar dit is ‘n lokval en ons betaal uiteindelik die boete. Die meeste volwassenes benodig 8-9 uur se slaap per nag.’ 4) Leer om te ontspan. Om te ontspan is die teenoorgestelde van die veg-of-vlug reaksie. Die Bybel sê: ‘…’n getroue boodskapper is gesondheid’ (Spreuke 13:17 KAB23). So min as twintig minute ‘n dag kan die skadelike effek van ‘…ons vrees vir vandag of ons kommer oor môre…’ (Romeine 8:38 NLV), teëwerk.
Moenie uitbrand nie (1)
Het jy geweet dat mense in beroepe wat ander mense help ‘n hoër koers van dwelmmisbruik, alkoholisme en selfdood as ander beroepe ervaar? ‘n Groot bydraende faktor daartoe is die feit dat hulle net die probleme en negatiewe kant van mense se lewens hoor en sien. Om dus effektief te bly, moet jy leer om die volgende te doen: (1) Kweek nuwe dissiplines. Maak die deur toe, laat jou telefoonoproepe na stempos gaan en ontspan. Moet bowenal nie verbaas wees wanneer probleme opduik nie. Jesus het gesê ons sal swaarkry beleef (sien Johannes 16:33). Die skrywer M. Scott Peck sê wanneer jy verwag dat die lewe moeilik gaan wees, blyk dit gewoonlik minder moeilik te wees. (2) Neem gereeld tyd af. Doen iets anders op jou afdae. Jou Skepper het nooit bedoel dat jy meer ure moet insit as wat Hy het nie! Spurgeon het gesê: ‘Rus is so nodig vir die gees soos slaap vir die liggaam. As ons nie rus nie, breek ons af.’ Jesus het gesê: ‘…Kom julle nou self eenkant toe na ‘n stil plek en skep ‘n bietjie asem’ (Markus 6:31 NLV). 3) Oefen en kry genoeg slaap. Stap, swem en haal diep asem. Dis goed vir jou! Dr Arch Hart sê: ‘Adrenale opwekking verminder ons behoefte aan slaap, maar dit is ‘n lokval en ons betaal uiteindelik die boete. Die meeste volwassenes benodig 8-9 uur se slaap per nag.’ 4) Leer om te ontspan. Om te ontspan is die teenoorgestelde van die veg-of-vlug reaksie. Die Bybel sê: ‘…’n getroue boodskapper is gesondheid’ (Spreuke 13:17 KAB23). So min as twintig minute ‘n dag kan die skadelike effek van ‘…ons vrees vir vandag of ons kommer oor môre…’ (Romeine 8:38 NLV), teëwerk.
