Woord vir Vandag - 15 Sep 2025
Loading player...
“Hoe kan ‘n jongmens ‘n skoon lewe lei? Deur gehoorsaam te wees aan u woord.” Psalm 119:9 NLV
Die Bybel help ons om versoeking te oorkom (5)
Wanneer ons aan versoeking toegee, is dit maklik om ander mense en ons omgewing te blameer. ‘Vroue trek deesdae te uitlokkend aan… Mans is te seksueel aggressief… Die media is te eksplisiet.’ Hierdie stellings mag dalk waar wees, maar help ons nie om die versoeker se werkswyse te oorkom nie. Satan, ons vyand, het nie sy werkswyse verander nie. Dit werk steeds omdat die menslike natuur nie verander het nie. Dawid het op ‘n pynlike manier geleer dat dit nie Batseba se badroetine was wat sy ondergang veroorsaak het nie. Hy het verantwoordelikheid vir sy gedrag geneem en gebid: ‘Want ek ken my oortredings en my sonde is gedurig voor my. Teen U, U alleen het ek gesondig; ek het gedoen wat vir U verkeerd is…’ (Psalm 51:5-6 NLV). Let twee belangrike lesse wat Dawid geleer het op: 1) Hy het ontdek dat mens vergifnis, herstel en vryheid ontvang deur jouself te bekeer en verantwoordelikheid vir jou dade te neem. 2) Hy het ook geleer dat die manier om beheer oor jou wellustige natuur te neem in gereelde tyd wat jy met God se Woord bestee, gevind word. Jy kan dit nie op eie houtjie doen nie. ‘Hoe kan ‘n jongmens ‘n skoon lewe lei? Deur gehoorsaam te wees aan u woord.’ God se antwoord is nie geheimsinnig of moeilik om te verstaan nie. Sy universele oplossing is: ‘Deur gehoorsaam te wees aan u woord.’ Dawid se nuwe gesindheid en reinheid van hart het uit die beoefening van hierdie waarheid gespruit: ‘Ek het u woord in my hart gebêre sodat ek nie teen U sou sondig nie’ (Psalm 119:11 NLV). Dis ‘n formule vir oorwinning wat ook vir jou sal werk.
Die Bybel help ons om versoeking te oorkom (5)
Wanneer ons aan versoeking toegee, is dit maklik om ander mense en ons omgewing te blameer. ‘Vroue trek deesdae te uitlokkend aan… Mans is te seksueel aggressief… Die media is te eksplisiet.’ Hierdie stellings mag dalk waar wees, maar help ons nie om die versoeker se werkswyse te oorkom nie. Satan, ons vyand, het nie sy werkswyse verander nie. Dit werk steeds omdat die menslike natuur nie verander het nie. Dawid het op ‘n pynlike manier geleer dat dit nie Batseba se badroetine was wat sy ondergang veroorsaak het nie. Hy het verantwoordelikheid vir sy gedrag geneem en gebid: ‘Want ek ken my oortredings en my sonde is gedurig voor my. Teen U, U alleen het ek gesondig; ek het gedoen wat vir U verkeerd is…’ (Psalm 51:5-6 NLV). Let twee belangrike lesse wat Dawid geleer het op: 1) Hy het ontdek dat mens vergifnis, herstel en vryheid ontvang deur jouself te bekeer en verantwoordelikheid vir jou dade te neem. 2) Hy het ook geleer dat die manier om beheer oor jou wellustige natuur te neem in gereelde tyd wat jy met God se Woord bestee, gevind word. Jy kan dit nie op eie houtjie doen nie. ‘Hoe kan ‘n jongmens ‘n skoon lewe lei? Deur gehoorsaam te wees aan u woord.’ God se antwoord is nie geheimsinnig of moeilik om te verstaan nie. Sy universele oplossing is: ‘Deur gehoorsaam te wees aan u woord.’ Dawid se nuwe gesindheid en reinheid van hart het uit die beoefening van hierdie waarheid gespruit: ‘Ek het u woord in my hart gebêre sodat ek nie teen U sou sondig nie’ (Psalm 119:11 NLV). Dis ‘n formule vir oorwinning wat ook vir jou sal werk.
