Woord vir Vandag - 10 Des 2025
Loading player...
“…Mense oordeel volgens uiterlike voorkoms, maar die Here kyk na gedagtes en bedoelings.” 1 Samuel 16:7 NLV
Karakter is wat saak maak
Hier is ‘n beskrywing van Saul, Israel se eerste koning: ‘…Saul was baie aantreklik, meer as enigiemand anders in Israel…’ (1 Samuel 9:2 NLV). Sy voorkoms kon egter nie vir sy gebrek aan karakter vergoed nie en hy het voortydig in skaamte en nederlaag gesterf. Toe Samuel, die profeet, na Isai se huis toe gegaan het om een van sy seuns as Israel se volgende koning te salf, het God gesê: ‘…Mense oordeel volgens uiterlike voorkoms, maar die Here kyk na gedagtes en bedoelings.’ Baie jare gelede is ‘n seun in Rusland gebore wat homself so lelik geag het, dat hy seker was dat daar geen geluk vir hom in die lewe sou wees nie. Hy het gekla oor die feit dat hy ‘n wye neus, dik lippe, klein grys oë en groot hande en voete gehad het. Hy was so ontsteld oor sy voorkoms dat hy God gevra het vir ‘n wonderwerk om hom in ‘n aantreklike man te verander. Hy het belowe dat as God dit sou doen, Hy Hom alles sou gee wat hy besit. Daardie seun was Leo Tolstoi, wat een van die wêreld se voorste skrywers geword het. Hy is veral vir sy epiese boek, War and Peace, bekend. In sy boeke erken hy dat hy deur die jare ontdek het dat die skoonheid en fisiese voorkoms wat hy eens begeer het, nie die enigste skoonheid in die lewe is nie - en dat dit nie die beste soort skoonheid is nie. In plaas daarvan het Tolstoi besef dat die skoonheid van ‘n sterk karakter die beste in God se oë is. Karakter is nie ‘n kwessie van geld of voorkoms nie, maar om te doen wat reg is en op te staan vir dit wat reg is, ongeag geld of voorkoms.
Karakter is wat saak maak
Hier is ‘n beskrywing van Saul, Israel se eerste koning: ‘…Saul was baie aantreklik, meer as enigiemand anders in Israel…’ (1 Samuel 9:2 NLV). Sy voorkoms kon egter nie vir sy gebrek aan karakter vergoed nie en hy het voortydig in skaamte en nederlaag gesterf. Toe Samuel, die profeet, na Isai se huis toe gegaan het om een van sy seuns as Israel se volgende koning te salf, het God gesê: ‘…Mense oordeel volgens uiterlike voorkoms, maar die Here kyk na gedagtes en bedoelings.’ Baie jare gelede is ‘n seun in Rusland gebore wat homself so lelik geag het, dat hy seker was dat daar geen geluk vir hom in die lewe sou wees nie. Hy het gekla oor die feit dat hy ‘n wye neus, dik lippe, klein grys oë en groot hande en voete gehad het. Hy was so ontsteld oor sy voorkoms dat hy God gevra het vir ‘n wonderwerk om hom in ‘n aantreklike man te verander. Hy het belowe dat as God dit sou doen, Hy Hom alles sou gee wat hy besit. Daardie seun was Leo Tolstoi, wat een van die wêreld se voorste skrywers geword het. Hy is veral vir sy epiese boek, War and Peace, bekend. In sy boeke erken hy dat hy deur die jare ontdek het dat die skoonheid en fisiese voorkoms wat hy eens begeer het, nie die enigste skoonheid in die lewe is nie - en dat dit nie die beste soort skoonheid is nie. In plaas daarvan het Tolstoi besef dat die skoonheid van ‘n sterk karakter die beste in God se oë is. Karakter is nie ‘n kwessie van geld of voorkoms nie, maar om te doen wat reg is en op te staan vir dit wat reg is, ongeag geld of voorkoms.
