Woord vir Vandag - 23 Des 2025
Loading player...
“Maar God se onverdiende liefde is oorvloedig… God [het ons] saam met Hom ‘n sitplek in die hemel gegee.” Efesiërs 2:4,6 NLV
Sit by Jesus!
Dr Donald Grey Barnhouse was vir baie jare die pastoor by Philadelphia se Tiende Presbiteriaanse Kerk. Een Sondagoggend was ‘n twaalfjarige seun in die gemeente verstom nadat hy hom oor die lengte en breedte en diepte van God se wonderlike genade hoor praat het. Barnhouse het sy preek afgesluit deur baie van die groot beloftes uit die Skrif in een indrukwekkende sin op te som: ‘Ons sondes is vergewe, vergeet, gereinig, bedek, soos ‘n dik wolk uitgewis, so ver as die ooste van die weste verwyderd en agter God geplaas.’ Aan die einde van die diens, toe Barnhouse na agter gaan om die mense te groet, het die seun hom genader, aan sy mou getrek en gesê: ‘Goeie preek, Dokter! Ons gaan eendag lekker langs Jesus sit, nè?’ God het ‘in Christus’ ‘n verlossende wonderwerk vir ons deur sy Seun verrig (sien Romeine 8:1; 1 Korintiërs 1:2; 15:22; 2 Korintiërs 5:17; Efesiërs 2:6-13). Die woord ‘in’ verseker ons dat net soos ons natuurlike geboorte ons in Adam, ons voorvader, geplaas het, so het God ons by die wedergeboorte doelbewus en presies in Jesus, ons Verlosser, geplaas. Dink daaroor: ‘Maar God se onverdiende liefde is oorvloedig. Die liefde waarmee Hy ons liefhet, is so groot dat toe ons verkeerde lewe ons geestelike dood veroorsaak het, Hy ons saam met Christus lewend gemaak het… Omdat ons aan Christus Jesus verbind is, het God ons saam met Hom opgewek en saam met Hom ‘n sitplek in die hemel gegee (Efesiërs 2:4-6 NLV). Ons gaan in die hemel so nou met Jesus vereenselwig wees, dat ons onafskeidbaar en ewig een met Hom gaan wees! Wat ‘n wonderlike gedagte!
Sit by Jesus!
Dr Donald Grey Barnhouse was vir baie jare die pastoor by Philadelphia se Tiende Presbiteriaanse Kerk. Een Sondagoggend was ‘n twaalfjarige seun in die gemeente verstom nadat hy hom oor die lengte en breedte en diepte van God se wonderlike genade hoor praat het. Barnhouse het sy preek afgesluit deur baie van die groot beloftes uit die Skrif in een indrukwekkende sin op te som: ‘Ons sondes is vergewe, vergeet, gereinig, bedek, soos ‘n dik wolk uitgewis, so ver as die ooste van die weste verwyderd en agter God geplaas.’ Aan die einde van die diens, toe Barnhouse na agter gaan om die mense te groet, het die seun hom genader, aan sy mou getrek en gesê: ‘Goeie preek, Dokter! Ons gaan eendag lekker langs Jesus sit, nè?’ God het ‘in Christus’ ‘n verlossende wonderwerk vir ons deur sy Seun verrig (sien Romeine 8:1; 1 Korintiërs 1:2; 15:22; 2 Korintiërs 5:17; Efesiërs 2:6-13). Die woord ‘in’ verseker ons dat net soos ons natuurlike geboorte ons in Adam, ons voorvader, geplaas het, so het God ons by die wedergeboorte doelbewus en presies in Jesus, ons Verlosser, geplaas. Dink daaroor: ‘Maar God se onverdiende liefde is oorvloedig. Die liefde waarmee Hy ons liefhet, is so groot dat toe ons verkeerde lewe ons geestelike dood veroorsaak het, Hy ons saam met Christus lewend gemaak het… Omdat ons aan Christus Jesus verbind is, het God ons saam met Hom opgewek en saam met Hom ‘n sitplek in die hemel gegee (Efesiërs 2:4-6 NLV). Ons gaan in die hemel so nou met Jesus vereenselwig wees, dat ons onafskeidbaar en ewig een met Hom gaan wees! Wat ‘n wonderlike gedagte!
