Woord vir Vandag - 2 Jan 2026
Loading player...
Vrydag 2 Januarie
“Hou hierdie wetboek altyd by jou…” Josua 1:8 NLV
Bybelstudie: die sleutel tot geestelike groei (1)
God het vir Josua ‘n groot opdrag gegee: verower die Beloofde Land en verdeel dit onder die twaalf stamme van Israel. Hy het ook vir hom die sleutel tot sukses gegee: ‘Hou hierdie wetboek altyd by jou. Dink dag en nag daaroor na sodat jy alles kan doen wat daarin geskryf is. Jy sal dan sukses behaal op jou pad. Jy sal voorspoedig wees.’ God het Josua nie beveel om ‘n geestelike ervaring of ‘n persoonlike openbaring te soek nie. Hy het hom beveel om oor die Skrif na te dink. Greg Hawkins en Cally Parkinson het ‘n boek getiteld Move geskryf. Hulle wou die sleutelfaktore vir geestelike groei vind, daarom het hulle een duisend kerke se gemeentes ondersoek. Hier is wat hulle bevind het: ‘Niks het ‘n groter impak op geestelike groei as meditasie oor die Skrif nie. As kerke net een ding kon doen om mense op alle vlakke van geestelike volwassenheid te help om in hul verhouding met Christus te groei, is dit duidelik wat hulle sou moes doen. Hulle sou hul mense moes inspireer, aanmoedig en toerus om die Bybel te lees.’ Jy groei nie in Christus bloot omdat jy by die kerk betrokke is nie; dit gebeur outomaties wanneer jy God se Woord lees en vertrou. Raak dus betrokke by jou Bybel. Dink dag en nag daaroor na. Mediteer daaroor. Laat dit jou gids wees. Maak dit jou gunstelingboek om antwoorde op jou vrae te kry. Laat dit die hoogste gesag in jou lewe wees. Petrus stel dit so: ‘Hiervoor moet julle genoeg geestelike melk inkry. Smag daarom na hierdie voeding soos pasgebore babatjies na hulle ma se melk sodat julle daardeur kan groei tot volwasse gereddenes’ (1 Petrus 2:2 NLV).
“Hou hierdie wetboek altyd by jou…” Josua 1:8 NLV
Bybelstudie: die sleutel tot geestelike groei (1)
God het vir Josua ‘n groot opdrag gegee: verower die Beloofde Land en verdeel dit onder die twaalf stamme van Israel. Hy het ook vir hom die sleutel tot sukses gegee: ‘Hou hierdie wetboek altyd by jou. Dink dag en nag daaroor na sodat jy alles kan doen wat daarin geskryf is. Jy sal dan sukses behaal op jou pad. Jy sal voorspoedig wees.’ God het Josua nie beveel om ‘n geestelike ervaring of ‘n persoonlike openbaring te soek nie. Hy het hom beveel om oor die Skrif na te dink. Greg Hawkins en Cally Parkinson het ‘n boek getiteld Move geskryf. Hulle wou die sleutelfaktore vir geestelike groei vind, daarom het hulle een duisend kerke se gemeentes ondersoek. Hier is wat hulle bevind het: ‘Niks het ‘n groter impak op geestelike groei as meditasie oor die Skrif nie. As kerke net een ding kon doen om mense op alle vlakke van geestelike volwassenheid te help om in hul verhouding met Christus te groei, is dit duidelik wat hulle sou moes doen. Hulle sou hul mense moes inspireer, aanmoedig en toerus om die Bybel te lees.’ Jy groei nie in Christus bloot omdat jy by die kerk betrokke is nie; dit gebeur outomaties wanneer jy God se Woord lees en vertrou. Raak dus betrokke by jou Bybel. Dink dag en nag daaroor na. Mediteer daaroor. Laat dit jou gids wees. Maak dit jou gunstelingboek om antwoorde op jou vrae te kry. Laat dit die hoogste gesag in jou lewe wees. Petrus stel dit so: ‘Hiervoor moet julle genoeg geestelike melk inkry. Smag daarom na hierdie voeding soos pasgebore babatjies na hulle ma se melk sodat julle daardeur kan groei tot volwasse gereddenes’ (1 Petrus 2:2 NLV).
