Woord vir Vandag - 19 Feb 2026
Loading player...
“Of verstaan julle nie dat julle liggame ‘n tempel van die Heilige Gees is wat in julle woon… nie?..” 1 Korintiërs 6:19 NLV
Herken God se Gees wat in jou leef
Hou op om jouself te bekommer oor watter mate jy in staat is om God se teenwoordigheid in jou huidige geestelike toestand te ervaar. Sit jou vorige mislukkings en jou toekomstige bekommernisse opsy. As jy ‘n verloste kind van God is, woon sy Heilige Gees in jou. Jesus het gesê: ‘Die een wat in My glo – soos die Skrif sê: ‘Riviere lewende water sal uit sy binneste vloei.’ Dit het Jesus gesê oor die Gees wat die mense wat in Hom glo, sou ontvang…’ (Johannes 7:38-39 NLV). Die Heilige Gees vloei heeltyd binne-in jou, wel in jou op, les jou onbevredigde begeertes en loop oor om diegene rondom jou te verkwik. Sy bedoeling en begeerte is om heeltyd, op elke plek, deur jou te werk. Onthou dat God, Jesus en die Heilige Gees een is. Wanneer ons dus van God wat in jou lewe werk, Jesus wat in jou hart is, of jou liggaam wat die tempel van die Heilige Gees is praat, praat ons van dieselfde ding. John Ortberg vertel van ‘n vriend wat se vyfjarige dogter gesê het: ‘Ek weet Jesus woon in my hart, want wanneer ek my hand daarop sit, kan ek voel hoe Hy daar rondloop.’ Sommige mense lyk asof hulle ‘n innerlike radar het om God se teenwoordigheid op te spoor. Net soos sekere musikante perfekte gehoor het, so het hulle ‘n oor om God se stem te onderskei. Net soos God se teenwoordigheid in jou woon, kan jy bewustelik elke oomblik in God se teenwoordigheid leef.
Herken God se Gees wat in jou leef
Hou op om jouself te bekommer oor watter mate jy in staat is om God se teenwoordigheid in jou huidige geestelike toestand te ervaar. Sit jou vorige mislukkings en jou toekomstige bekommernisse opsy. As jy ‘n verloste kind van God is, woon sy Heilige Gees in jou. Jesus het gesê: ‘Die een wat in My glo – soos die Skrif sê: ‘Riviere lewende water sal uit sy binneste vloei.’ Dit het Jesus gesê oor die Gees wat die mense wat in Hom glo, sou ontvang…’ (Johannes 7:38-39 NLV). Die Heilige Gees vloei heeltyd binne-in jou, wel in jou op, les jou onbevredigde begeertes en loop oor om diegene rondom jou te verkwik. Sy bedoeling en begeerte is om heeltyd, op elke plek, deur jou te werk. Onthou dat God, Jesus en die Heilige Gees een is. Wanneer ons dus van God wat in jou lewe werk, Jesus wat in jou hart is, of jou liggaam wat die tempel van die Heilige Gees is praat, praat ons van dieselfde ding. John Ortberg vertel van ‘n vriend wat se vyfjarige dogter gesê het: ‘Ek weet Jesus woon in my hart, want wanneer ek my hand daarop sit, kan ek voel hoe Hy daar rondloop.’ Sommige mense lyk asof hulle ‘n innerlike radar het om God se teenwoordigheid op te spoor. Net soos sekere musikante perfekte gehoor het, so het hulle ‘n oor om God se stem te onderskei. Net soos God se teenwoordigheid in jou woon, kan jy bewustelik elke oomblik in God se teenwoordigheid leef.
