Woord vir Vandag - 5 April 2026
Loading player...
“Hy is nie hier nie, want Hy is opgewek uit die dood, presies soos Hy gesê het…” Matteus 28:6 NLV
Jesus het die dood vir jou oorwin
Eendag sal jou hart ‘n laaste pols gee en jou longe ‘n laaste asemteug uitblaas. Tensy Christus alreeds teruggekeer het, sal jy sterf. Die Psalmdigter het gevra: ‘Watter mens kan lewe sonder om die dood te sien? Wie kan homself red uit die mag van die doderyk?’ (Psalm 89:49 NLV). Jonk en oud, goed en sleg, ryk en arm; geen mens word daarvan vrygestel nie. ‘Niemand het die mag om die wind te beheer nie. Net so kan mense nie bepaal wanneer hulle doodgaan nie…’ (Prediker 8:8 NLV). Die wyses, die rykes, die armes - niemand kan daarvoor weghardloop of die dood uitoorlê nie. Ons almal sal sterf. ‘Soos elke mens bestem is om net een keer te sterf…’ (Hebreërs 9:27 NLV). Oefen soveel as wat jy wil. Eet net gesonde kos en drink handevol vitamienes. Bly uit die son en weg van alkohol en van dwelms af. Doen jou bes om aan die lewe te bly en jy sal steeds sterf. Die dood lyk soos ‘n doodloopstraat, totdat ons Jesus se opstandingsverhaal lees: ‘Hy is nie hier nie, want Hy is opgewek uit die dood, presies soos Hy gesê het… En gaan sê nou dadelik vir sy dissipels... Hy gaan julle solank vooruit Galilea toe. Julle sal Hom dáár sien… Hulle het toe haastig van die graf af weggegaan… om die boodskap aan sy dissipels te gaan gee… Die elf dissipels het toe na Galilea toe gegaan, na die berg soos Jesus hulle beveel het. Toe hulle Hom sien, het hulle Hom aanbid…’ (Matteus 28:6-17 NLV). Vir die verloste kind van God is die dood nie die einde nie, maar die begin van ‘n glorieryke lewe in die hemel wat geen einde sal hê nie.
Jesus het die dood vir jou oorwin
Eendag sal jou hart ‘n laaste pols gee en jou longe ‘n laaste asemteug uitblaas. Tensy Christus alreeds teruggekeer het, sal jy sterf. Die Psalmdigter het gevra: ‘Watter mens kan lewe sonder om die dood te sien? Wie kan homself red uit die mag van die doderyk?’ (Psalm 89:49 NLV). Jonk en oud, goed en sleg, ryk en arm; geen mens word daarvan vrygestel nie. ‘Niemand het die mag om die wind te beheer nie. Net so kan mense nie bepaal wanneer hulle doodgaan nie…’ (Prediker 8:8 NLV). Die wyses, die rykes, die armes - niemand kan daarvoor weghardloop of die dood uitoorlê nie. Ons almal sal sterf. ‘Soos elke mens bestem is om net een keer te sterf…’ (Hebreërs 9:27 NLV). Oefen soveel as wat jy wil. Eet net gesonde kos en drink handevol vitamienes. Bly uit die son en weg van alkohol en van dwelms af. Doen jou bes om aan die lewe te bly en jy sal steeds sterf. Die dood lyk soos ‘n doodloopstraat, totdat ons Jesus se opstandingsverhaal lees: ‘Hy is nie hier nie, want Hy is opgewek uit die dood, presies soos Hy gesê het… En gaan sê nou dadelik vir sy dissipels... Hy gaan julle solank vooruit Galilea toe. Julle sal Hom dáár sien… Hulle het toe haastig van die graf af weggegaan… om die boodskap aan sy dissipels te gaan gee… Die elf dissipels het toe na Galilea toe gegaan, na die berg soos Jesus hulle beveel het. Toe hulle Hom sien, het hulle Hom aanbid…’ (Matteus 28:6-17 NLV). Vir die verloste kind van God is die dood nie die einde nie, maar die begin van ‘n glorieryke lewe in die hemel wat geen einde sal hê nie.
