Woord vir Vandag - 9 April 2026
Loading player...
“Wees dus baie versigtig hoe julle lewe… Benut elke geleentheid…” Efesiërs 5:15-16 NLV
Lewe doelbewus
As jy nou wyse besluite neem, sal jy ‘n beter toekoms hê. As jy nou jou tyd mors, sal jy later spyt wees. Daarom moet jy die regte ding doen wanneer jy die geleentheid het om dit te doen. Paulus het geskryf: ‘Hy moet geprys word – Hy wat mag het om deur die krag wat in ons werk, oneindig meer te doen as wat ons vra of dink om te vra’ (Efesiërs 3:20 NLV). God is in staat om groot dinge te doen soos sy krag deur jou werk. Dit gaan dus nie net daaroor dat God dinge vir jou doen nie; Hy wil ook dinge deur jou doen. Hou op wens dat omstandighede in jou lewe verander en begin aksie neem! Bid en bestudeer God se Woord. Soos Hy dan tot jou hart spreek, tree in geloof op en doen wat Hy jou lei om te doen. God het jou geskep om doelbewus te leef! Hy het jou nie net geroep om besig te wees nie - Hy het jou ook geroep om goeie vrugte te dra (sien Johannes 15:16 NLV). Dit is maklik om in die besige lewe vasgevang te word. Jy moet egter ook tyd neem om na te dink oor hoe jy jou tyd bestee! Voor jy gaan slaap, dink na oor die dinge waarmee jy jou dag gevul het: watter dinge het God se plan en doel vervul en watter dinge was ‘n afleiding? Vra God om die dinge wat moet verander en hoe jy beter keuses kan maak, wat met sy wysheid ooreenstem, aan jou te openbaar. Steun dan op Hom vir die krag wat jy nodig het om daardie veranderinge te maak. As jy dit doen, sal jy vervuld, vreedsaam en opgewonde wees oor hoe God in jou lewe werk.
Lewe doelbewus
As jy nou wyse besluite neem, sal jy ‘n beter toekoms hê. As jy nou jou tyd mors, sal jy later spyt wees. Daarom moet jy die regte ding doen wanneer jy die geleentheid het om dit te doen. Paulus het geskryf: ‘Hy moet geprys word – Hy wat mag het om deur die krag wat in ons werk, oneindig meer te doen as wat ons vra of dink om te vra’ (Efesiërs 3:20 NLV). God is in staat om groot dinge te doen soos sy krag deur jou werk. Dit gaan dus nie net daaroor dat God dinge vir jou doen nie; Hy wil ook dinge deur jou doen. Hou op wens dat omstandighede in jou lewe verander en begin aksie neem! Bid en bestudeer God se Woord. Soos Hy dan tot jou hart spreek, tree in geloof op en doen wat Hy jou lei om te doen. God het jou geskep om doelbewus te leef! Hy het jou nie net geroep om besig te wees nie - Hy het jou ook geroep om goeie vrugte te dra (sien Johannes 15:16 NLV). Dit is maklik om in die besige lewe vasgevang te word. Jy moet egter ook tyd neem om na te dink oor hoe jy jou tyd bestee! Voor jy gaan slaap, dink na oor die dinge waarmee jy jou dag gevul het: watter dinge het God se plan en doel vervul en watter dinge was ‘n afleiding? Vra God om die dinge wat moet verander en hoe jy beter keuses kan maak, wat met sy wysheid ooreenstem, aan jou te openbaar. Steun dan op Hom vir die krag wat jy nodig het om daardie veranderinge te maak. As jy dit doen, sal jy vervuld, vreedsaam en opgewonde wees oor hoe God in jou lewe werk.
