Woord vir Vandag - 24 April 2026
Loading player...
“Onderwerp jou aan God, dan sal jy vrede hê en sal alles met jou goed gaan.” Job 22:21 NLV
Ervaar God se vrede
Binne sekondes was Vicky se lewe aan skerwe. As sweefkunstenaar het sy beheer verloor en kop eerste in die veiligheidsnet beland. Sy het haar nek tussen die vyfde en sesde nekwerwels gebreek en was verlam, ‘n kwadrupleeg. Drie jaar na die ongeluk het sy in diepe wanhoop en selfbejammering verval, vasbeslote om haar lewe te neem. Haar poging het misluk en sy het in ‘n psigiatriese hospitaal beland. Op die vierde herdenking van haar ongeluk het sy en haar man geskei en bitterheid het by haar ingetree. Eendag is ‘n assistant aangestel om Vicky te help en te versorg. Haar naam was Mae Lynne, ‘n ware Christen wat Vicky aan Jesus Christus en die Bybel bekendgestel het. Vicky het begin leer hoe om in haar geloof vas te staan en in gehoorsaamheid aan God te wandel. Daarbenewens het ‘n pastoor haar twee jaar lank getrou van God se Woord geleer. Vicky het toe ‘n bediening van bemoediging begin deur elke week briewe aan gevangenes en ander mense met gestremdhede, te skryf. Hoe meer vreugde sy vir hulle gebring het, hoe meer vreugde het sy self ervaar. Sy skerts: ‘Kwadrupleë is nie veronderstel om soveel vreugde te hê nie, nè?’ Vicky gebruik steeds ‘n rolstoel, word soms duiselig en het af en toe asemhalingsprobleme. Sy het egter ook ‘n diep innerlike vrede en krag as gevolg van haar verhouding met Jesus. Jy kan dit ook hê. Job het gesê: ‘Onderwerp jou aan God, dan sal jy vrede hê en sal alles met jou goed gaan. Luister na sy voorskrifte en bêre hulle in jou hart. As jy terugkeer na die Almagtige en jou lewe skoonmaak, sal jy herstel word’ (Job 22:21-23 NLV).
Ervaar God se vrede
Binne sekondes was Vicky se lewe aan skerwe. As sweefkunstenaar het sy beheer verloor en kop eerste in die veiligheidsnet beland. Sy het haar nek tussen die vyfde en sesde nekwerwels gebreek en was verlam, ‘n kwadrupleeg. Drie jaar na die ongeluk het sy in diepe wanhoop en selfbejammering verval, vasbeslote om haar lewe te neem. Haar poging het misluk en sy het in ‘n psigiatriese hospitaal beland. Op die vierde herdenking van haar ongeluk het sy en haar man geskei en bitterheid het by haar ingetree. Eendag is ‘n assistant aangestel om Vicky te help en te versorg. Haar naam was Mae Lynne, ‘n ware Christen wat Vicky aan Jesus Christus en die Bybel bekendgestel het. Vicky het begin leer hoe om in haar geloof vas te staan en in gehoorsaamheid aan God te wandel. Daarbenewens het ‘n pastoor haar twee jaar lank getrou van God se Woord geleer. Vicky het toe ‘n bediening van bemoediging begin deur elke week briewe aan gevangenes en ander mense met gestremdhede, te skryf. Hoe meer vreugde sy vir hulle gebring het, hoe meer vreugde het sy self ervaar. Sy skerts: ‘Kwadrupleë is nie veronderstel om soveel vreugde te hê nie, nè?’ Vicky gebruik steeds ‘n rolstoel, word soms duiselig en het af en toe asemhalingsprobleme. Sy het egter ook ‘n diep innerlike vrede en krag as gevolg van haar verhouding met Jesus. Jy kan dit ook hê. Job het gesê: ‘Onderwerp jou aan God, dan sal jy vrede hê en sal alles met jou goed gaan. Luister na sy voorskrifte en bêre hulle in jou hart. As jy terugkeer na die Almagtige en jou lewe skoonmaak, sal jy herstel word’ (Job 22:21-23 NLV).
