Bach, Beethoven en Boogie saam met die FSSO en die Charl du Plessis trio

Op Saterdag 19 Oktober span die Charl du Plessis Trio en Richard Cock kragte saam met die Vrystaatse Simfonieorkes om unieke en opwindende musiek vir klavier en orkes ten toon te stel. Charl sluit by Yolanda Maartens aan in die OFM Kunsteklop om te gesels oor die opwindende program samestelling. Bach, Beethoven en Boogie sal musiek deur Klassieke komponiste in sy oorspronklike vorm saamstel, asook 'n paar werke in nuwe opgewekte verwerkings in uiteenlopende style, wat wissel van rock, boogie en blues. Gehore kan ook uitsien na grootgroep-jazz en strelende filmmusiekklanke – alles verwerk deur Charl du Plessis. Kaartjies is beskikbaar by Webtickets.